DILI (timorpost.com)-hahú husi tinan kotuk mai to agora, Komisaun Terras no Propriedade, simu ona kazu disputa rai hamutuk-141.
Entre kazu disputa hirak nee, privadu ho privadu no komunidade ho Estadu, neebé oras nee iha hela prosesu rekolla informasaun no dokumentu komprovativu hodi rezolve liuliu foti desizaun.
“husi kazu 141 nee, ami foin mak konsege resolve kazu neebé mak iha tiha ona desizaun 10, maibé tuir lei ami mós sei hein loron 60, depois karik ema sei halo rekursu ba iha primeiru instánsia, tanba nee kazu 10 mak ami resolve ona, Prezidente Komisaun Terras no Propriedade, Pascoal da Costa Soares, informa ba Timor Post, iha knaar fatin Bebora, Kinta (02/03).
Nia dehan, agora daudaun iha fali ona kazu-59, neebé mak iha hela prosesu andamentu hodi fó solusaun. Kazu hira nee komunidade sira neebé mak afetadu ba alargamentu aeroportu internasionál Nicolau Lobato, Komoro.
Agora daudaun sira rejista tan kazu iha 59, ita boot sira hatene kazu nee kazu suku Madohi nian, atu halo alargamentu ba pista aeroportu internasionál Nicolau Lobato, tanba Estadu reklama katak rai nee estadu nian, nia afirma.
Nia admite, tanba rai nee Estadu nian, entaun komunidade sira ba hatoo keixa iha Komisaun Terras, tanba nee mak agora daudaun komisaun tau prioridade atu resolve.
Ami espera katak, ultimo fulan Fevereiru nee, ami sei hasai desizaun ba kazu 59
120 total views, 3 views today
