DILI (timorpost.com)-Partidu Demokrátiku (PD) hanesan partidu neebé mak boot, tanba nee sei la halo koligasaun ho partidu kiik no boot, iha Eleisaun Parlamentár (ElPar) tinan nee.
Sekretáriu Ezekutivu Partidu Demokrátiku, Jacinto Barros Gusmão, hatoo asuntu nee ba Timor- Post liu husi via telefone, Kinta (02/03).
Ami Partidu Demokrátiku (PD) sei la halo koligasaun ho partidu kiik sira tantu mós partidu boot sira hanesan Fretilín, CNRT, KHUNTO no seluk tan, nia afirma.
Nia dehan, PD nee uluk kedan la halo koligasaun ho partidu sira, tanba PD nee partidu boot.
Bainhira eleisaun nee hotu, karik halo koligasaun mós tenke liu husi konferénsia ida, hafoin halo koligasaun, Nia argumenta.
Husu kona-ba lista neebé atu submete ba Tribunal Rekursu, Sekretáriu Ezekutivu Partidu Demokrátiku nee dehan prepara hotu ona, hein fó sai deit ona.
“maibé lista nee sesé mak iha laran, ami sei la fó sai, tanba ida nee segredu, no sei liu husi enkontru hafoin bele deside. Nia dehan.
129 total views, 3 views today
